Valyuta hərracında banklar tələbi 2 dəfədən çox azaldıb

12:32 - 25.04.2023

25 aprel, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, aprelin 25-də keçirilən valyuta hərracında bankların tələbi 26,4 milyon dollar təşkil edib və tam təmin edilib. Bu, 34,1 milyon dollar və ya son hərracdan 2,3 dəfə azdır.

Hərracın yekunlarına əsasən manatın ortaçəkili məzənnəsi 1,7000 AZN / USD səviyyəsində formalaşıb.

AMB aprelin 20-də keçirilmiş valyuta hərracında banklara 60,5 milyon dollar satıb.