16:11 - 10.03.2023

---

10 mart, Fineko/abc.az. Gürcüstan iqtisadiyyatına ötən il birbaşa xarici investisiyaların həcmi 2 milyard dollar təşkil edib.

ABC.AZ xəbər verir ki, bu barədə Gürcüstanın Milli Statistika Xidməti məlumat yayıb.

Qeyd edilib ki, bu ötən illə müqayisədə 61,1% çoxdur.

Məlumata görə, ölkəyə ən çox investisiya yatıranlar Böyük Britaniya, İspaniya, ABŞ və Hollandiya olub. Rusiyanın Gürcüstana birbaşa investisiyalarının həcmi isə ötən il 6% azalıb.

Bildirilib ki, investisiyaların həcmi son 17 ildə ilk dəfə 2 milyard dolları ötüb.