11:01 - 18.08.2022

---

18 avqust, Fineko/abc.az. Avropa İttifaqında iflas ərizələrinin sayı ardıcıl dördüncü rübdür ki, artıb. 

ABC.AZ Avropa statistika agentliyi Eurostatın məlumatına istinadla xəbər verir ki, bu ilin ikinci rübündə göstərici birinci rüb ilə müqayisədə 2,2% artıb.

“İflas ərizələrinə gəlincə, onlar yenidən artıb – ardıcıl dördüncü rüb. Ən son məlumatlar göstərir ki, 2022-ci ilin ikinci rübündə iflas ərizələrinin sayı 2022-ci ilin birinci rübü ilə müqayisədə 2,2% artıb.” – məlumatda deyilir.

Eyni zamanda, Aİ-də yeni şirkətlərin qeydiyyatı ikinci rübdə 1,2% azalıb. Göstərici ilin əvvəlindən azalmaqdadır, lakin 2022-ci ilin ilk iki rübündə 2019-cu ilin pandemiyadan əvvəlki dövrlə müqayisədə daha yüksək olmuşdur.