14:34 - 18.07.2022

---

18 iyul, Fineko/abc.az. ABŞ-ın qəhvəxana şəbəkəsi Starbucks pandemiya səbəbindən "yüksək rəqabət və dəyişmiş istehlakçı seçimləri səbəbindən" Böyük Britaniyada biznesini satmaq imkanını öyrənir.

ABC.AZ xarici mətbuata istinadən xəbər verir ki, Starbucks-ın mümkün gedişinin əsas səbəblərindən biri Pret A Manger, Tim Hortons və Costa kimi bir sıra digər operatorlar arasında artan rəqabətdir.

Ümumilikdə, Böyük Britaniyada 25 000-dən çox kafe var.

Mayın 23-də Starbucks Ukrayna ilə bağlı baş verən hadisələrə görə 15 illik fəaliyyətindən sonra Rusiya bazarından çıxmaq qərarını açıqlayıb. Şirkətin Rusiyada 100-dən çox kafe şəbəkəsi var idi.