14:36 - 2.06.2022

---

2 iyun, Fineko/abc.az. BOKT "Azpul" Məhdud Məsuliyyətli Cəmiyyəti 2021-ci il üzrə illik maliyyə hesabatını açıqlayıb.

ABC.AZ xəbər verir ki, "Azpul" ötən ili 74 min 370 manat xalis zərər ilə başa vurub. Təşkilatın yığılmış zərəri 229 min manata çatıb.

Ötən il BOKT-un faiz gəlirləri 484 min manat təşkil edib. 31 Dekabr 2021-ci il tarixində "Azpul" 1 milyon 529 min manat cəmi aktivlərə, o cümlədən 770 min manat kredit portfelinə (müştərilərə verilmiş kreditlər) malik olub.

Qeyd edək ki, 2020-ci ildə “Azpul” MMC bank olmayan kredit təşkilatına (BOKT) çevrilib.

Müəllif: Elmir Murad