10:48 - 14.03.2022

---

14 mart, Fineko/abc.az. İşğaldan azad edilmiş ərazilərin bərpasında İran şirkətləri də fəaliyyət göstərəcək.

ABC.AZ xəbər verir ki, bunu Azərbaycanla İran arasında iqtisadi, ticarət və humanitar sahələrdə əməkdaşlıq üzrə dövlət komissiyasının 15-ci iclasında Baş nazirin müavini Şahin Mustafayev deyib.

O bildirib ki, şirkətlər yaradılan sənaye parkları və “Araz Vadisi İqtisadi Zonası”nda fəaliyyətə başlayacaqlar.

“Pandemiya şəraitinin olmasına baxmayaraq, Azərbaycan və İran arasında avtomobil daşımaları üzrə yük həcmi 70 faiz artıb”, - deyə Şahin Mustafayev qeyd edib.