15:48 - 21.02.2022

---

21 fevral, Fineko/abc.az. Qarabağ Dirçəliş Fondu ilə PwC Azərbaycan arasında kənar audit xidmətlərinin göstərilməsi üzrə müqavilə imzalanıb.

Fonddan ABC.AZ-a daxil olan məlumata görə, PwC Azərbaycan müqavilə çərçivəsində, Beynəlxalq Maliyyə Hesabatı Standartlarına uyğun şəkildə hazırlanmış, 31 dekabr 2021 tarixində tamamlanmış il üzrə maliyyə hesabatlarının auditini həyata keçirəcək. 

Müqaviləni Qarabağ Dirçəliş Fondunun İdarə Heyətinin sədri Rəhman Hacıyev və PwC Azərbaycan şirkətinin Ölkə üzrə İdarəedici Partnyoru Mövlan Paşayev imzalayıblar.