10:13 - 1.09.2021

---

1 sentyabr, Fineko/abc.az. Ötən gün düşdükdən sonra, neftin etalon markalarının qiymətləri çərşənbə günü ticarətində artır.

Neft bazarı, bu gün saat 19.00-da keçiriləcək OPEC+ ölkələrinin Monitorinq Komitəsinin və Nazirlər görüşünün keçirilməsini gözləyir. Bu gün ABŞ-da kommersiya neft ehtiyatları, benzin və distillatlar haqqında həftəlik hesabat da gözlənilir.

Saat 9:27-də London ICE Futures birjasında Brent neftinin noyabr fyuçersi $0,50 (0,70%) bahalaşaraq bir barelə $72,13 təşkil edib. Avqustun 31-də baş tutmuş ticarətin nəticələrinə görə, Brent neftinin noyabr fyuçersi $0,60 (0,83%) enərək bir barelə $71,63 təşkil edib.

Saat 9:27-də Nyu-York əmtəə birjasında (NYMEX) ticarət üzrə WTI-nin oktyabr fyuçersinin qiyməti $0,46 (0,67%) artaraq bir barelə $68,96 təşkil edib. Avqustun 31-də baş tutmuş hərracların nəticələrinə görə, oktyabr ayına fyuçers $0,71 (1,03%) düşərək bir barelə $68,50 təşkil edib.