17:24 - 15.03.2021

---

15 mart, Fineko/abc.az. Yeni əkin mövsümü ilə əlaqədar olaraq “Aqroservis” Açıq Səhmdar Cəmiyyəti tərəfindən rayon bölmələrindən uzaq məsafədə yerləşən kənd və qəsəbələrdə mövsümi mineral gübrələrin səyyar satışına başlanılıb.

Kənd Təsərrüfatı Nazirliyindən ABC.AZ-a daxil olan məlumata görə, Cəmiyyət fermerlərin işini asanlaşdırmaq məqsədilə 15.03.2021-ci il tarixindən etibarən bütün ölkəni əhatə etməklə, çoxşaxəli səyyar satış xidmətlərinə start verib.

Gün ərzində paralel olaraq 10-dan çox istiqamətdə səyyar satış xidmətləri təşkil edilir.