15:33 - 15.09.2026

---

15 sentyabr, Fineko/abc.az. Azərbaycan Mərkəzi Bankının keçirdiyi cari nəzarət tədbirləri zamanı “TAHK” MMC-də cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə (PL/TMM) qanunvericiliyinin tələblərinin pozulduğu aşkarlanıb.

Bakı şəhəri Nizami Rayon Məhkəməsinin qərarı ilə şirkətin daxili nəzarət proqramını tam tətbiq etmədiyi üçün vəzifəli şəxsi İnzibati Xətalar Məcəlləsinin 598.1.2-ci maddəsi əsasında 2 min manat məbləğində cərimələnib.

Məlumat üçün bildirək ki, nizamnamə kapitalı 500 min 20 manat olan və 2019-cu ildən fəaliyyət göstərən “TAHK” MMC Nizami rayonunda yerləşir və şirkətin qanuni təmsilçisi Emin Mehtiyevdir.