21:31 - 8.09.2026

---

8 Sentyabr, Fineko/abc.az. ABŞ Federal Ehtiyat Sisteminin (FED) Nyu-York Şöbəsinin avqust ayı üzrə keçirdiyi "İstehlakçı Gözləntiləri Sorğusu"nun nəticələrinə əsasən, istehlakçıların 1 illik qısamüddətli inflyasiya gözləntisi 3,6%, 5 illik uzunmüddətli gözləntisi isə 3% səviyyəsində dəyişməz qalıb.

Orta müddətli (3 illik) gözləntilər isə 0,1 faiz bəndi azalaraq 3,2%-ə enib. Sorğu çərçivəsində benzin (4,6%), ərzaq (5,3%), səhiyyə (9,1%) və mənzil kirayəsi (6,6%) kimi əsas xərc sahələri üzrə qiymət artımı gözləntilərində yüksəliş qeydə alınıb.

Bununla yanaşı, əmək bazarında narahatlıqlar artaraq gələcək 1 ildə işsizlik nisbətinin artacağını gözləyənlərin payı 44,4%-ə yüksəlib ki, bu da 2020-ci ilin aprel ayından bəri ən yüksək göstəricidir. Gəlirlərinin artım gözləntisi 3%-də sabit qalsa da, xərclərin artacağı gözləntisi 5,2%-ə qalxıb. İyul ayında istehlak qiymətləri indeksi (TÜFE) illik 3,4% təşkil etmişdi; avqust ayı üzrə rəsmi inflyasiya göstəriciləri isə sentyabrın 11-də açıqlanacaq.