17:09 - 4.09.2026

---

4 Sentyabr, Fineko/abc.az. Çinin bəzi nadir torpaq metalları tədarükçüləri Pekin tərəfindən tətbiq edilə biləcək sanksiya və cəzalardan ehtiyat edərək ABŞ-a məhsul göndərilməsini dayandırıblar.

Bu addım Çin Xalq Respublikasının Sədri Si Tszinpinin sentyabrın 24-də Vaşinqtona nəzərdə tutulan rəsmi səfəri ərəfəsində iki ölkə arasında strateji xammala çıxış böhranını daha da dərinləşdirib.

Məlumata görə, avqust ayında Pekinin ABŞ-ın "Responsible Business Alliance" (RBA) təchizat zənciri auditoruna sanksiya tətbiq etməsindən sonra Çin şirkətləri cəzalandırılmaq qorxusu ilə ABŞ sifarişlərindən imtina edirlər. ABŞ rəsmiləri ixrac lisenziyalarının ləngiməsi ilə bağlı Çin tərəfinə narazılıqlarını bildirib. ABŞ şirkətləri kritik xammal lisenziyaları üçün 6 aydan çox vaxt gözləməli olurlar. Çinin qlobal istehsalda üstünlüyə sahib olduğu bu metalların tədarükünün kəsilməsi ABŞ-ın müdafiə, elektromobil və çip sənayesinə ciddi zərbə vurur.