20:35 - 7.09.2026

---

7 Sentyabr, Fineko/abc.az. Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra iqtisadiyyatdakı son vəziyyət və inflyasiya ilə mübarizə tədbirləri barədə bəyanat verib. Dövlət başçısı iqtisadiyyatın struktur problemlərinə qalıcı həll yolları tapmaq və əhalinin rifahını artırmaq üçün qətiyyətli addımların davam etdiriləcəyini vurğulayıb.

Prezident Ərdoğan cıxışında növbəti mühüm məqamlara toxunub:

• Qlobal Neft Böhranı və İnflyasiya: Hürmüz boğazında yaşanan gərginlik fonunda qlobal neft qiymətlərinin kəskin artmasının bütün dünyaya, o cümlədən Türkiyəyə təsir etdiyini bildirib. O, dəniz nəqliyyatındakı böhran həll olunmayana qədər enerjidaşıyıcılarının qiymət təzyiqinin davam edəcəyini qeyd edib.

• Orta Müddətli Proqram  və İxracat: Türkiyənin ixracat tempindən məmnunluğunu ifadə edən Ərdoğan, yüksək texnologiya, kənd təsərrüfatı, sənaye və turizm sahələrində əlavə dəyər yaradan istehsalın dəstəklənəcəyini bildirib.

• "Yarısı Bizdən" Layihəsi 2027-ci İlə Qədər Uzadıldı: İstanbulda 2 milyon vətəndaşın mənzil şəraitini yaxşılaşdırmağı hədəfləyən və bu ilin sonunda başa çatması nəzərdə tutulan "Yarısı Bizdən" kütləvi tikinti layihəsinin müddəti 31 Dekabr 2027-ci il tarixinədək uzadılıb.