16:20 - 24.12.2025

---

24 dekabr, Fineko/abc.az. İlon Maskın peyk rabitəsi və raket texnologiyaları şirkəti SpaceX yeddi həftədən az müddətdə Starlink internet xidməti üçün bir milyon yeni müştəri cəlb edib və artıq 155 bazarda fəaliyyət göstərir.

ABC.AZ xəbər verir ki, 5 noyabr tarixli açıqlamada SpaceX bildirmişdi ki, Starlink-in müştəri bazası 8 milyon nəfərdir, yəni o vaxtdan etibarən gündə 20.000-dən çox yeni müştəri əlavə olunub.

SpaceX şirkəti, Starlink texnologiyası ilə internetə çıxışı təmin edən, o cümlədən ucqar bölgələrdə də xidmət göstərən 9.000-dən çox aşağı orbitli peyk qruplaşmasından istifadə edir və məlumatlara görə, gələn il birjaya çıxmağı və dəyərinin 1,5 trilyon dollar olmasını planlaşdırır.

İlon Mask qeyd edib ki, Starlink-in bütün müştəriləri Marsa gələcək missiyaların maliyyələşdirilməsinə dəstək olur.