11:18 - 21.11.2024

---

21 noyabr, Fineko/abc.az.  Almaniyanın daşınma şirkəti “Rhenus Freight East Gmbh” Azərbaycanda yeni törəmə şirkət təsis edib. 

ABC.AZ-ın məlumatına görə, bu, “Rhenus Logistics Azerbaijan” MMC-dir. 

Şirkət oktyabrda Bakı şəhəri Lokal Gəlirlər Baş İdarəsi  tərəfindən Yasamal Rayonu, Tbilisi pr, ev 49/C ünvanında dövlət qeydiyyatına alınıb.

“Rhenus Logistics Azerbaijan” MMC-nin direktoru Yekaterina Zuban İqoryevnadır. O, 2015-ci ildə şirkətin ölkə üzrə filalına rəhbərlik edirdi.

Şirkətin nizamnamə fondu   25 000 avro təşkil edir.

1912-ci ildə təsis edilən “Rhenus Group Holzvikede” Almaniyada yerləşən beynəlxalq logistika xidmətləri təminatçısıdır. Şirkətin Avropa, Hindistan, Şimali, Mərkəzi və Cənubi Amerika, Asiya, Afrika və Okeaniyada filialları mövcuddur. Şirkət 2023-cü ildə 7.5 mlrd. avro gəlir əldə edib.

Almaniyanın “Rethmann Group” şirkətinin törəməsidir. (Banker.az)