12:15 - 21.08.2024

---

21 avqust, Fineko/abc.az. Cari ilin yeddi ayında Şimal-Cənub Dəhlizi çərçivəsində Azərbaycan ərazisi ilə dəmir yolu ilə 434 651 ton tranzit yükdaşımaları yerinə yetirilib.

ABC.AZ “Azərbaycan Dəmir Yolları” QSC-nin (ADY)  məlumatına istinadla xəbər verir ki,  cari ilin yanvar-iyul aylarında Şimal-Cənub Dəhlizi ilə tranzit yükdaşımalarda ötən ilin eyni dövrü ilə müqayisədə 25% artım qeydə alınıb.

“Tranzit yüklər dəhlizin Azərbaycandan keçən Astara-Yalama və Yalama-Astara istiqamətləri üzrə daşınıb”, - məlumatda qeyd olunur.