17:19 - 24.04.2024

---

24 aprel, Fineko/abc.az. Pekin avtosalonunda Volksvagen ID konsept avtomobilini təqdim edib və qeyri-adi texnologiya ilə diqqəti cəlb edib. 

ABC.AZ xəbər verir ki, modelin bir xüsusiyyəti, avtonom avtomobillərlə gələcək üçün nəzərdə tutulmuş qabaqcıl işıqlandırma və interaktivlik texnologiyalarının istifadəsidir.

Ən diqqətəlayiq xüsusiyyətlərdən biri, avtomobilə yaxınlaşdığınız zaman sizi "izləyən" 3D Eyes sistemidir. Bu sistemə "Light Cloud" — faralar arasında 967 LED-dən ibarət uzun ağ zolaq daxildir. Sizi sanki izləyən gözlərin görüntüsünü yaratmağa qadirdir. Bundan əlavə, Light Screen var — hava proqnozundan albalı çiçəyi şəkillərinə qədər hər şeyi göstərə bilən “Light Cloud”un altında yerləşən bir ekran.