16:01 - 23.04.2024

---

23 aprel, Fineko/abc.az. Azərbaycan Avrasiya İqtisadi İttifaqına (Aİİ) qoşulmağı planlaşdırmır.

ABC.AZ xəbər verir ki, bu barədə Prezident İlham Əliyev Bakıda keçirilən beynəlxalq konfransda deyib.

"Azərbaycanın Aİİ-yə daxil olmaq planları yoxdur... Biz prezident və baş nazir səviyyəsində bəzi tədbirlərə (bu təşkilata) dəvət olunmuşuq", - deyə o bildirib.

Aİİ iqtisadi inteqrasiya və iştirakçı ölkələr arasında sərbəst ticarət üçün yaradılmışdır. Hazırda ittifaqa beş dövlət daxildir: Ermənistan, Belarusiya, Qazaxıstan, Qırğızıstan və Rusiya. Onun büdcəsi Rusiya rublunda Ermənistanın (1,2%), Belarusun (4,9%), Qazaxıstanın (6,9%), Qırğızıstanın (1,9%) payları hesabına formalaşır. Lakin ən çox Rusiya yatırım edir (85%).