14:41 - 23.04.2024

---

23 aprel, Fineko/abc.az. 2023-cü ildə Bakı metrosu sərnişindaşımadan 83 milyon 483 min manat gəlir əldə edib.

ABC.AZ Dövlət Statistika Komitəsinə istinadən xəbər verir ki, bu 2022-ci illə müqayisədə 22 milyon 733 min manat və ya 37% çoxdur. 2022-ci ildə Bakı metrosu 60 milyon 750 min manat gəlir əldə etmişdi.

Məlumat üçün qeyd edək ki, metro nəqliyyatı ilə 219 milyon 452 min sərnişin daşınıb, sərnişin dövriyyəsi 2 milyon 590 min 191 sərnişin-km təşkil edib. İlik müqayisədə sərnişin daşımaları 10 milyon 756 min nəfər (5%), sərnişin dövriyyəsi 126 min 952 sərnişin-km (5%) artıb.