14:21 - 15.04.2024

---

15 aprel, Fineko/abc.az. Azərbaycanın dövlət büdcəsinin profisiti mart ayında azalaraq 821.7 milyon manata düşüb. 

ABC.AZ Dövlət Statistika Komitəsinə istinadən xəbər verir ki, dövlət büdcəsinin gəlirləri illik müqayisədə 11.4 faiz artaraq 9 milyard 234.3 milyon manat olduğu halda, büdcə xərcləri 28.1 faiz artaraq 8 milyard 412.6 milyon manat təşkil edib. 2024-cü ilin ilk iki ayında 1 mlrd. 302 mln. manat idi.

Xatırladaq ki, 2024-cü il dövlət büdcəsinin gəlirləri 34.17 mlrd. manat, xərcləri 36.76 mlrd. manat məbləğində təsdiq edilib.