11:23 - 8.09.2026

---

8 sentyabr, Fineko/abc.az. Paytaxtda ticarət və xidmət obyektlərinin fəaliyyətini dayandırması hallarının artması ənənəvi ticarətin elektron ticarətə uduzması və yüksək icarə xərcləri ilə izah olunur.

Sabit xərc riski: İqtisadçı Xalid Kərimli bildirir ki, icarəhaqqı sabit xərc olduğundan dövriyyə azalsa da dəyişmir. Bu amil mənfəəti azaldır, qiymətləri qaldırır və gəlir gözləntisini doğrultmayan bizneslərin kapanmasına səbəb olur.

Qiymət indeksi və tələb: Azərbaycan Qiymətləndiricilər Palatasının məlumatına görə, kommersiya obyektlərinin icarə qiyməti indeksində iyulda 7,4% azalma qeydə alınıb. Obyektlər boş qalmır, lakin icarəçilər qiymətlərə qarşı daha tələbkar davranır.

İnvestisiya cəlbediciliyi: AQC sədri Vüqar Orucun sözlərinə görə, obyektin satış dəyəri onun illik icarə gəlirinə nisbəti ilə ölçülür. Məsələn, aylıq icarəsi 2 500 manat (illik 30 min) olan obyekt 300 min manata satılarsa yüksəkgəlirli (0,1), 1 milyon manata satılarsa aşağıgəlirli (0,03) hesab olunur.

İstehlakçıya təsiri: İcarə xərcləri son nəticədə malların qiymətinə əlavə olunduğu üçün yüksək icarəhaqları dolayı yolla alıcıların cibinə təsir edir.