10:56 - 13.02.2024

---

13 fevral, Fineko/abc.az. Məlumata görə, 2024-cü ilin yanvar ayında Almaniyada 22.474 yeni elektrikli avtomobil qeydiyyata alınıb ki, bu da ötən ilin eyni dövrü ilə müqayisədə 24% çoxdur.

ABC.AZ xəbər verir ki, Avtomobil Sənayesi Assosiasiyasının (VDA) təhlilinə görə, 2023-cü ilin yanvar ayında elektrikli avtomobil satışları, 2022-ci ilin sonunda dövlət subsidiyalarının azalması səbəbindən xüsusilə aşağı olub və bu da dekabr ayında satışların artmasına səbəb olub.

Elektrikli avtomobillərin ümumi satış payı 2024-cü ilin yanvar ayında cəmi 10,5% təşkil edib, 2023-cü ildə isə 18%-də çatmışdı.

VDA, elektrikli avtomobil satışlarının 2024-cü ildə 451.000 ədəd təşkil edəcəyini proqnozlaşdırır ki, bu da 2023-cü ilə nisbətən 14% azdır. Bu, uzun illər ərzində bazarda ilk azalma olacaq. Beləliklə, satış həcmi hətta 2022-ci ilin səviyyəsindən aşağı düşəcək.

Elektrikli avtomobillərin satışındakı azalma, ehtimal ki, dövlət subsidiyalarının ləğvi və iqtisadi tənəzzüllə baölıdır: insanlar iş yerlərindən qorxaraq daxili yanma mühərriki ilə daha ucuz avtomobillər almağa üstünlük verirlər.