10:39 - 30.01.2024

---

30 yanvar, Fineko/abc.az. Əvvəllər xaricdən sifariş edilən avtomobillər 5-6 aya ölkəyə çatdırılırdı. Ancaq bunun daha asan yolu da tapılıb. Artıq Dubaydan cəmi 15 günə Azərbaycana nəqliyyat vasitəsi gətirmək mümküdür. Bəs bu amil maşın bazarına necə təsir göstərəcək?

ABC.AZ Xəzər tv-yə istinadən xəbər verir ki,  avtomobil bazarı üzrə qiymətləndirici Sərxan Qədirov hesab edir ki, sön dövrlər bazarda müşahidə edilən sıxlığın səbəblərindən biri məhz budur.

Onun fikrincə, Dubay bazarı azərbaycanlı alıcılar üçün daha sərfəlidir.

Mütəxəssis düşünür ki, sözügedən amil ölkədə avtomobillərin sayını daha artıracaq. Bu həm də daxili bazarda durğunluğa səbəb ola bilər.