15:55 - 24.01.2024

---

24 yanvar, Fineko/abc.az. Çinin “Great Wall Motor” (GWM) ən iri yolsuzluq avtomobilləri və pikap istehsalçısı şirkəti 2023-cü ildə gəlirini 26% artırıb.

ABC.AZ xarici mətbuata istinadən xəbər verir ki, bu barədə şirkətin hesabatında qeyd edilib. Belə ki, şirkətin ötən il gəlirləri 173,4 milyard yuana (24,2 milyard dollar) çatdırılıb.

Eyni zamanda, GWM-nin xalis mənfəəti, xüsusilə valyuta məzənnəsinin əlverişsiz dəyişməsi səbəbindən 15% azalaraq 7,01 milyard yuana düşüb.

“China Securities Journal” yazır ki, ötən il şirkətin avtomobillərinin satışı 15,3% artaraq 1,2 milyon ədədi keçib. Bununla belə, ekspertlər bu rəqəmin 1,6 milyon avtomobil olacağını gözləyirdilər.

Müəllif: Elmir Murad