16:47 - 17.01.2024

---

17 yanvar, Fineko/abc.az. Yaponiyanın gəmiçilik şirkətləri Qırmızı dənizdə daşımaları dayandırıb.

ABC.AZ xəbər verir ki, bu barədə nüfuzlu NHK telekanalı məlumat yayıb.

Qeyd edilib ki, yapon şirkətləri hazırda Qırmızı dənizdə hökm sürən gərginlik səbəbindən daşımaları dayandırıb. Daha əvvəl qeyd edilib ki, bu qərarı nəqliyyat şirkəti “Nippon Yusen” verib.

Bildirilib ki, Yaponiyanın digər iki iri daşıyıcı şirkəti “Mitsui O.S.K. Lines” (MOL) və “Kawasaki Kisen” Qırmızı dənizdəki bütün daşımaları müvəqqəti dayandırmaq qərarına gəlib.