14:30 - 21.12.2023

---

21 dekabr, Fineko/abc.az. "Şimal Axını - 2" qaz kəmərinin operatoru Nord Stream 2 AG şirkətinin iflas proseduru daha altı ay müddətinə, 2024-cü ilin iyul ayına qədər uzadılıb.

ABC.AZ xəbər verir ki, bu barədə şirkətin məlumatında deyilir.

Məlumata görə, İsveçrənin Zuq şəhərindəki məhkəmə şirkətin tələbi ilə Nord Stream 2 AG-ni kreditlərin ödənilməsinə daimi moratoriumu uzadıb. İndi iflas proseduru daha altı ay -10 yanvar 2024-cü ildən 10 iyul 2024-cü ilə qədər uzadıldı.

Nord Stream 2 AG-nin baş direktoru Matthias Varnig 2023-cü ilin mart ayının sonunda şirkətin rəhbəri vəzifəsini tərk edib.