Norveçə məxsus kimyəvi tanker Qırmızı dənizdə raket zərbəsinə məruz qalıb

12:17 - 12.12.2023

12 dekabr, Fineko/abc.az. Norveçin “Strinda” kommersiya gəmisi Qırmızı dənizdə hücuma məruz qalıb. Gəmi, husilərin nəzarətində olan Yəmən ərazisindən atılan qanadlı raketlə vurulub.

ABC.AZ xəbər verir ki, hadisə dünən, dekabrın 11-də, gəmi Bab əl-Mandeb boğazından keçərkən baş verib. “Strinda” bildirib ki, gəmidə yanğın olub, lakin xəsarət alan yoxdur.