17:26 - 3.08.2023

---

3 avqust, Fineko/abc.az. "Azərenerji" ASC 2022-ci ili 436 milyon 506 min manat xalis mənfəət ilə başa vurub. 

ABC.AZ xəbər verir ki, dövlət şirkəti 2021-ci ili 147 milyon 227 min manat xalis mənfəət ilə bağlamışdı. 

Beləliklə, ötən il  xalis mənfəəti təxminən 3 dəfə və ya 289 milyon 279 min manat artıb. 
"Azərenerji"nin satışdan gəlirləri 2021-ci ildə 1 milyard 280 milyon 912 min manat ikən, 2022-ci ildə 1 milyard 840 milyon 564 min manata yüksəlib (559 milyon 652 min manat və ya 43,7% artıb).

Ötən il ASC-nin yığılmış zərəri 436 milyon 506 min manat azalaraq 2 milyard 164 milyon 739 min manata düşüb.
2022-ci ildə  cəmi aktivləri 374 milyon 677 min manat və ya 9% artaraq 4 milyard 522 milyon 509 min manata yüksəlib.
 31 dekabr 2022-ci il tarixində  dövlət şirkətinin 1 milyard 172 milyon 998 min manat uzunmüddətli və qısamüddətli kredit borcları olub (2021-ci ilin sonunda 1 milyard 332 milyon 449 min manat təşkil etmişdi).