Azərbaycan daha bir ölkədə səfirlik açır

14:01 - 7.07.2023

7 iyul, Fineko/abc.az. Azərbaycan Slovakiyada səfirlik açır.

ABC.AZ xəbər verir ki, bununla bağlı Milli Məclisə (MM) qanun layihəsi daxil olub.

Belə ki, Beynəlxalq münasibətlər və parlamentlərarası əlaqələr komitəsinin bugünkü iclasında “Azərbaycan Respublikasının Slovakiya Respublikasında (Bratislava şəhərində) Səfirliyinin təsis edilməsi haqqında” qanun layihəsi müzakirəyə çıxarılıb.

Layihə MM-in iclasına tövsiyə olunub.