15:58 - 7.03.2023

---

7 mart, Fineko/abc.az. Naxçıvanda “Ləzzət Qida Sənaye” Məhdud Məsuliyyətli Cəmiyyətində salfet istehsalı sahəsi yaradılıb.

ABC.AZ xəbər verir ki, şirkətin yeni istehsal sahəsi Sahibkarlığın İnkişafı Fondu tərəfindən verilmiş güzəştli kredit və “Ləzzət Qida Sənaye” MMC-nin vəsaiti hesabına inşa olunub.

Müəssisədə artıq tikinti işləri yekunlaşıb, hazırda sınaq istehsalı və avadanlıqların tənzimlənməsi işləri aparılır.

Müəssisənin tam şəkildə işə düşməsi nəticəsində 20 nəfərlik yeni iş yerinin açılması nəzərdə tutulur.

İkin mərhələdə məhsulların daxili bazarda və Azərbaycanın digər regionlarında satışı nəzərdə tutulur, növbəti mərhələdə isə ixracın təşkil edilməsi planlaşdırılır.