10:48 - 24.02.2023

---

24 fevral, Fineko/abc.az. “Microsoft”un qurucusu Bill Qeyts “Heineken Holding NV” (HEIO.AS) pivə şirkətinin 3,76%-ni alıb.

ABC.AZ Reuters-a istinadla xəbər verir ki, sövdələşmə 883 milyon avro (939,87 milyon dollar) təşkil edib.

Hollandiya Maliyyə Bazarları Təşkilatının (AFM) bəyanatında deyilir ki, səhmlər fevralın 17-də alınıb. Heineken Holding, Heineken NV pivə zavodunda (HEIN.AS) əksər səhmlərə sahibdir.

Qeyts qiymətli kağızları satan Meksika FEMSA-dan alıb.

Agentliyin məlumatına görə, FEMSA Heineken Holding-də saxladığı 18 milyon səhminin hamısını müxtəlif alıcılara satıb. Qeyts 10,8 milyon səhm alıb.