13:56 - 8.02.2023

---

8 fevral, Fineko/abc.az. 2022-ci ildə "Volkswagen"in xalis mənfəəti 22,5 milyard avro təşkil edib.

ABC.AZ xəbər verir ki, "Volkswagen" AG, 2022-ci il üçün mənfəət marjasının 8,1% olmaqla proqnoz diapazonunun yuxarı hissəsində olduğunu bildirib.

Eyni zamanda, şirkətin xalis pul axınının hədəf səviyyəsindən xeyli aşağı olmasına səbəb olan logistik problemlərə baxmayaraq, satış və mənfəət 2021-ci il səviyyəsini ötüb.

Cəmi satışlar 2021-ci ildəki 250,2 milyard avro ilə müqayisədə ötən il təxminən 279 milyard avro təşkil edib.

Yanvar ayında Volkswagen bəyan etmişdi ki, zəif iqtisadiyyat və təchizat problemləri səbəbindən 2023-cü il üçün perspektiv zəif olaraq qalır.