10:59 - 15.12.2022

---

15 dekabr, Fineko/abc.az. “Azərbaycanda 400-dən çox Avropa şirkəti fəaliyyət göstərir. Bu şirkətlər yeni iş yerlərinin yaranmasına təkan verir”.

ABC.AZ xəbər verir ki, bunu Avropa İttifaqının Azərbaycandakı Nümayəndəliyinin rəhbəri Peter Mixalko 2022-ci ilin yekunlarına həsr olunmuş mətbuat konfransına deyib.

O bildirib ki, Aİ Azərbaycanda 13 min sayda kiçik və orta sahibkarlıq subyektlərinə dəstək verib. “Nəticədə bu subyektlər daha çox gəlir əldə edib və yeni iş yerləri yaranıb. Bu subyektlər 63 milyon avro gəlir əldə edib və 2000-dək yeni iş yerləri yaradılıb" -deyə səfir qeyd edib.