10:28 - 27.10.2022

---

27 oktyabr, Fineko/abc.az. Rusiyada illik ifadədə inflyasiya oktyabrın 24-də bir həftə əvvəlki 13,1%-dən 12,88%-ə enib.

ABC.AZ Rusiya mətbuatına istinadən xəbər verir ki, bu barədə Rusiya İqtisadi İnkişaf Nazirliyi məlumat yayıb.

Oktyabrın 18-dən 24-dək Rusiyada həftəlik inflyasiya 0,08 faizə çatıb. Qeyd olunur ki, ərzaq məhsulları seqmentində qiymətlər əsasən meyvə-tərəvəz istehsalının mövsümi artımı hesabına 0,15% artıb.

Qeyri-ərzaq mallarının qiymətləri dəyişməyib.

Sosial-iqtisadi inkişaf proqnozuna görə, Rusiya Federasiyasında bu il inflyasiya 12,4% təşkil edəcək, 2023-cü ildə 5,5%-ə qədər yavaşlayacaq və 2024-2025-ci illərdə 4%-lik hədəfə qayıdacaq.