11:33 - 7.10.2022
7 oktyabr, Fineko/abc.az. Argentinada inflyasiya ilin sonunda 100,3%-ə çata bilər.
ABC.AZ xəbər verir ki. bu proqnozu Respublika Mərkəzi Bankının sorğusunda iştirak edən ekspertlər səsləndirib.
“Sentyabrın sonunda, ekspertlər inflyasiyanın 100,3%-ə çatacağını proqnozlaşdırdılar (son sorğu zamanı nəzərdə tutulduğundan 5,3 faiz bəndi çox)”,- Mərkəzi Bankın oktyabrın 6-da dərc etdiyi hesabatda deyilir.
Ekspertlərin fikrincə, 2023-cü ildə qiymət artımı 90%-i, 2024-cü ildə 60%-i keçə bilər. Eyni zamanda, analitiklər bu il ölkədə ÜDM artımının 4,1% olacağını proqnozlaşdırırlar.
Avqust ayına olan məlumata görə, Argentinada illik inflyasiya 78,5% təşkil edib.
Cənubi Amerika Respublikasının hökuməti bu il qiymət artımının 38%-dən 48%-ə qədər olacağını proqnozlaşdırmışdı.
