10:10 - 24.08.2022

---

24 avqust, Fineko/abc.az. Ağ Ev 2022-ci ildə ABŞ iqtisadiyyatının artım proqnozunu 3,8 faizdən 1,4 faizə endirib.

ABC.AZ xəbər verir ki, ABŞ prezidenti Co Bayden administrasiyasının Konqresə təqdim etdiyi 2023-cü maliyyə ili üçün büdcə təklifində iqtisadi proqnozlara yenidən baxılıb.

Belə ki, ABŞ iqtisadiyyatının bu il 1,4 faiz, gələn il 1,8 faiz, 2024-cü ildə isə 2 faiz artacağı təxmin edilir.

Mart ayında ölkə iqtisadiyyatı ilə bağlı proqnozlarda iqtisadiyyatın bu il 3,8 faiz, gələn il 2,5 faiz, 2024-cü ildə isə 2,1 faiz artacağı proqnozlaşdırılırdı.

Bu il üçün inflyasiya proqnozları 6,6 faiz, gələn il üçün 2,8 faiz, 2024-cü il üçün isə 2,3 faiz təşkil edir.