11:19 - 19.08.2022

---

19 avqust, Fineko/abc.az. İngiltərədə illik inflyasiya keçən ay 10%-i keçib.

 ABC.AZ xarici mətbuata istinadla xəbər verir ki, Böyük Britaniyada iyulda illik inflyasiya 10,1% təşkil edib ki, bu səviyyədən yuxarı, sonuncu dəfə 1982-ci ilin fevralında 10,2% olub.

İyun ayında istehlak qiymətləri 9,4% artıb. Ərzaq və alkoqolsuz içkilərin qiymətləri ən çox bahalaşıb, ev heyvanları üçün qida və gigiyena vasitələrinin qiymətləri də artıb.

İngiltərə Bankı sonuncu dəfə avqustun 4-də əsas uçot dərəcəsini 0,5 faiz bəndi artıraraq 1,75%-ə çatdırıb ki, bu da son 27 ilin ən kəskin artımı olub. 
Proqnozlara görə, ilin sonuna qədər inflyasiya 13%-ə yüksələcək. Dördüncü rübdə İngiltərə Bankı tənəzzülü proqnozlaşdırır.