14:58 - 4.02.2022

---

4 fevral, Fineko/abc.az. "Facebook"un qurucusu Mark Zukerberqin sərvəti anidən azalıb.

ABC.AZ-ın məlumatına görə, azalma ötən gün baş verib.

Belə ki, Zukerberqin sərvəti bir gündə 29 mlrd. ABŞ dolları məbləğində azalıb.

Buna səbəb "Meta Platforms"un səhmlərinin 26% ucuzlaşması olub.

Səhmlərin azalması şirkətin bazar kapitalizasiyasını da 200 mlrd. dollar azaldıb və Mark Zukerberqin sərvətindən 29 mlrd. silib.

"Forbes"a görə, hazırda M. Zukerberqin sərvəti 84,9 mlrd. dollara bərabərdir.