16:20 - 2.08.2021

---

2 avqust, Fineko/abc.az. Avropanın iri bankı HSBC, bu ilin ilk yarısında mənfəətini iki dəfədən çox artırıb və bu dövr üçün səhmdarlarına dividend ödəyəcəyini elan edib.

ABC.AZ marja.az-a istinadən xəbər verir ki, 2021 -ci ilin birinci yarısında HSBC-nin xalis mənfəəti 8,4 milyard dollar təşkil edib ki, bu da 2020 -ci ilin birinci yarısından 5,3 milyard dollar çoxdur. Eyni zamanda vergi öncəsi mənfəəti 6,5 milyard dollar artaraq 10,8 milyard dollara yüksəlib.

İlin ilk yarısında gözlənilən kredit itkilərinin ödənilməsi ilə əlaqədar olaraq Bankın qazancı artıb

İkinci rüb və altı ay üçün hesabat analitiklərin gözləntilərini aşıb. Eyni zamanda, bank səhmdarlara hər adi səhm üçün 7 sent məbləğində dividend ödəyəcəyini də açıqlayıb.