09:58 - 15.04.2020

---

15 aprel, Fineko/abc.az. Neftin etalon markaları ötən hərracların yekunları üzrə son 2 həftə ərzində minimuma endikdən sonra çərşənbə günü bahalaşır.

Saat 9:30-da Brentin iyun ayı üçün fyuçers qiyməti London ICE Futures neft birjasında $0,16 (0,54%) artaraq bir barelə $29,76 təşkil etdi.

Aprelin 14-də ICE Futures birjasında keçirilən ticarətin nəticələrinə görə, Brent iyun fyuçersinin qiyməti aprelin 1-dən minimum səviyyəyə - $2,14 (6,74%) düşüb və bir barelə $29,60 təşkil edib.

Saat 9:30-da WTI-in Nyu-York əmtəə birjasında (NYMEX) may ayına olan fyuçersi $0,33 (1,64%) artaraq bir barelə $20,44 təşkil edib.

Aprelin 14-də NYMEX birjasında keçirilən ticarətin nəticələrinə görə, may fyuçersinin qiyməti martın 30-dan etibarən minimum -  $2,30 (10,26%) düşərək bir barelə $20,11 təşkil edib.