12:22 - 14.09.2026

---

14 Sentyabr, Fineko/abc.az. Qlobal maliyyə bazarları bu həftə Federal Ehtiyat Sisteminin (FED) iki günlük faiz iclasına və enerji bazarındakı dəyişkənliyə fokuslanıb. İnflyasiya təzyiqləri fonunda investorlar FED-in faiz dərəcəsini artıracağını demək olar ki, tam qiymətləndirirlər.

Səudiyyə Ərəbistanının əsas neft boru kəmərini bağlaması və Hörmüz boğazı üzrə diplomatik görüşün təxirə salınması nəticəsində "Brent" markalı xam neftin qiyməti 3,2% sıçrayaraq barrel üçün 107,95 dollara yüksəlib. ABŞ-ın 10 illik dövlət istiqrazlarının gəlirliliyinin %5 səviyyəsinə yaxınlaşması da fond bazarlarına əlavə təzyiq göstərir.

Süni intellekt sektorundakı inkişafın ləngidilməsi çağırışları və "OpenAI" rəhbəri Sem Altmanın bu il şirkətin IPO-ya çıxmayacağını elan etməsi mikrosxem istehsalçılarının hisslərini aşağı salıb. Bu addım "SoftBank" səhmlərinin Tokio birjasında 13%-dək ucuzlaşmasına, "Nasdaq 100" fyuçerslərinin 1%-dən çox, Cənubi Koreyanın "Kospi" indeksinin isə 2,4% geriləməsinə səbəb olub. 

Bu gün həmçinin AMB sədri Kristin Laqardın çıxışı və Hyustonda G-20 enerji nazirlərinin sammiti gözlənilir.