11:55 - 11.08.2026

---

11 avqust, Fineko/abc.az. 2026-cı ilin yanvar-iyul aylarında İqtisadiyyat Nazirliyi sahibkarlara 1 191 lisenziya təqdim edib. Bununla da nazirlik tərəfindən verilən lisenziyaların ümumi sayı 20220-yə çatıb.

Hesabat dövründə verilən lisenziyaların 807-si elektron formada rəsmiləşdirilib. "Lisenziyalar və icazələr" portalının fəaliyyətə başladığı 2018-ci ilin mart ayından etibarən təqdim olunan elektron lisenziyaların sayı 7 963-ə yüksəlib.

Verilmiş lisenziyaların sahalər üzrə bölgüsü:

• Tikinti-quraşdırma işləri: 25% (298 lisenziya)

• Əczaçılıq: 18% (214 lisenziya)

• Özəl tibb fəaliyyəti: 12% (148 lisenziya)

• Rabitə xidmətləri: 11% (129 lisenziya)

• Digər sahələr: 34% (402 lisenziya)

Qeyd edək ki, İqtisadiyyat Nazirliyi hazırda 23 fəaliyyət türü üzrə lisenziya verir. Müraciətlər "ASAN xidmət", KOB evləri və ya portal vasitəsilə qəbul edilir və sənədlər qaydasında olduqda lisenziya 10 iş günü ərzində təqdim olunur. Regionlarda sahibkarlara dövlət rüsumunda 50% güzəşt tətbiq edilir.