11:21 - 24.04.2025

---

24 aprel, Fineko/abc.az. Cənubi Koreyanın 2025-ci ilin birinci rübü üzrə Ümumi Daxili Məhsulu əvvəlki üç ayla müqayisədə 0,2% azalıb. Bu barədə Koreya Bankının ilkin məlumatlarına əsasən xəbər verilir. İllik müqayisədə isə ölkə iqtisadiyyatı 0,1% azalmışdır.

ABC.AZ xəbər verir ki, məlumata görə, analitiklər birinci göstərici üzrə orta hesabla 0,1% artım, ikinci göstərici üzrə isə 0,2% artım proqnozlaşdırırdılar.

Yanvar-mart aylarında Cənubi Koreyada istehlak xərcləri əvvəlki rüblə müqayisədə 0,1% azalıb. Bu əsasən tibbi xidmətlərə, əyləncə, mədəniyyət və istirahət sahələrinə çəkilən xərclərin azalması ilə bağlıdır.

Dövlət xərcləri də 0,1% azalmışdır.

İstehsal vasitələrinə investisiyalar 2,1%, tikinti sahəsinə yatırımlar isə 3,2% azalmışdır.