“Cahan-Motors” qanunları pozdu - Şirkət barədə iş məhkəməyə göndərildi

16:02 - 14.11.2024

14 noyabr, Fineko/abc.az. “Cahan-Motors” MMC barəsində gömrük qaydaları əleyhinə olan inzibati xəta protokolu tərtib edilib.

ABC.AZ xəbər verir ki, protokol İnzibati Xətalar Məcəlləsinin 485.2-ci maddəsi ilə yazılıb.

Dövlət Gömrük Komitəsinin tərtib etdiyi protokol Naxçıvan MR Naxçıvan Şəhər Məhkəməsinə göndərilib, işə baxan hakim Gülnar Səfərəliyevadır.

İnzibati Xətalar Məcəlləsinin 485.2-ci maddəsinə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.