12:29 - 27.08.2024

---

27 avqust, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, avqustun 27-də keçirilən valyuta hərracında bankların tələbi 75,8 milyon dollar təşkil edib və tam təmin edilib. Bu, son hərracdan 0,4 milyon dollar (0,5%) azdır.

Avqustun 22-də keçirilən valyuta hərracında AMB banklara 76,2 milyon dollar satıb.

Valyuta hərracının yekunlarına əsasən manatın orta çəkili məzənnəsi 1,7000 AZN/USD səviyyəsində formalaşıb.