Valyuta hərracında bankların tələbi 14,8% artıb

12:40 - 7.03.2024

7 mart, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, martın 7-də keçirilən valyuta hərracında bankların tələbi 79,1 milyon dollar təşkil edib və tam təmin edilib. Bu, keçmiş hərracdan 10,2 milyon dollar və ya 14,8% çoxdur.

Martın 5-də keçirilən valyuta hərracında AMB banklara 68,9 milyon dollar satıb.

Hərracın yekunlarına əsasən manatın orta çəkili məzənnəsi 1,7000 AZN/USD səviyyəsində formalaşıb.