12:18 - 7.01.2024

---

7 yanvar, Fineko/abc.az. BMT 2024-cü ildə Azərbaycanda ÜDM-in artımını 2.6% səviyyəsində proqnozlaşdırır.

ABC.AZ xəbər verir ki, bu proqnoz “Dünya iqtisadiyyatının vəziyyəti və perspektivləri 2024″ adlı məruzədə öz əksini tapıb.

BMT-nin qiymətləndirmələrinə əsasən, 2023-cü ildə ölkədə ÜDM-in artımı 0.7% təşkil edib.

Təşkilat həmçinin 2025-ci ildə Azərbaycanda ÜDM-in artımını 2.8% səviyyəsində proqnozlaşdırır.

BMT-nin proqnozlarına əsasən, 2024-cü ildə Azərbaycanda orta illik inflyasiya 5.9% təşkil edəcək, 2025-ci ildə – 3.9%-dək azalacaq.