12:53 - 25.07.2023

---

25 iyul, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, iyulun 25-də keçirilən valyuta hərracında bankların tələbi $59,6 mln təşkil edib və tam təmin edilib.

Bu, son hərracda olduğundan $18,1 mln və ya 43,61% çoxdur. İyulun 20-də baş tutan valyuta hərracında AMB banklara $41,5 mln satıb.

İyulun 25-də valyuta hərracının yekunlarına əsasən manatın ortaçəkili məzənnəsi 1,7000 AZN/USD səviyyəsində formalaşıb.