16:42 - 6.04.2023

---

6 aprel, Fineko/abc.az. Aprel ayı başlayan kimi, aprelin 4-də “Apple” səhmlərində bir milyon dollardan çox daxili satış həyata keçirilib.

ABC.AZ xarici mətbuata istinadən xəbər verir ki, bunu şirkətdən bildiriblər. Məlumata görə, şirkətin CEO-su Tim Kuk həmçinin, “Apple”in baş vitse-prezidenti və baş məsləhətçisi də öz səhmlərini satıb.

Tim Kuk iki ildə ilk dəfə insayder satışlar edib. Satışların 164-167 dollar aralığında olduğu bildirilir.

Qeyd edək ki, insayder satışı şirkətin işçilərinin və ya imtiyazlı səhmdarların (idarə heyəti, ümumi yığıncaq və s.) səhmlərinin satışı adlanır.