12:10 - 30.03.2023

---

30 mart, Fineko/abc.az. 2022-ci ildə Azərbaycanın cari əməliyyatlar balansında 23,5 milyard ABŞ dolları məbləğində qalıq yaranıb.

ABC.AZ xəbər verir ki, bu, Azərbaycan Mərkəzi Bankının 2022-ci il üzrə Tədiyyə Balansı hesabatında qeyd edilib. Bildirilib ki, bu, 2021-ci illə müqayisədə 2,8 dəfə çoxdur.

Belə ki, 2021-ci ildə cari əməliyyatlar balansının qalığı 8,3 milyard dollar təşkil edib.

Ümumi qalıq xarici ticarət balansındakı 27359,4 milyon dollarlıq qalıq (2,4 dəfə çox), xidmətlər balansındakı 1 359,7 milyon dollarlıq kəsir (38 % az), ilkin gəlirlər balansındakı 5 487 milyon dollarlıq kəsir (4,1 dəfə çox) və təkrar gəlirlər balansındakı 2 965,4 milyon dollarlıq qalıq (6,4 dəfə çox) hesabına formalaşıb.